Geysisstofa
Fræðasetur við Geysi í Haukadal

Í júní 2000 verður opnað nýstárlegt fræðasetur við Geysi í Haukadal. Geysisstofa er einstakur vettvangur til að kynna jarðfræði Íslands og það stórbrotna umhverfi sem mótað hefur íslensku þjóðina í gegnum aldirnar. Allt efni er sett fram á nýstárlegan hátt með fjölbreyttri tækni þannig, að gestir njóti þess til fullnustu innan þeirra tímamarka sem þeir hafa aflögu.
Gestir eru leiddir í gegnum sögu lands og þjóðar allt frá mótun til nútíðar og er notast við hátæknibúnað og líkön af fullkomnustu gerð. Í Geysisstofu má m.a. fræðast um eldgos, jarðskjálfta, jökla, hveri, fossa, vatnsbúskap og gróðurfar.

Nánari upplýsingar Hótel Geysi 
sími: 486-8915 
fax: 486-8715
Rafrænn póstur: geysisstofa@geysisstofa.is

Geysisstofa er hönnuð af Guðmundi Jónssyni arkitekt í Noregi, sem þekktur er af verkum sínum á sviði menningarferðaþjónustu. Minjasýning hönnuð af Erlendi Magnússyni.

íslenska - English